Evangelium Secundum Lucam*
Caput 9: Versus 33
Bonum est nos hic esse.Qui ad montana conscenderat non vult ad terrena descendere, sed semper in sublimi perseverare, et est Petrus in persona ingredientium regnum Dei.Bonum est nos hic esse.Bonum est in regno Dei esse. Quasi dicat: Nos soli hac luce fruemur, non Judaei invidi.Tria tabernacula.Id est, verba, cogitationes, opera.Unum Moysi.Quomodo noscunt quos antea non viderunt? Per majestatem super eos venientem, sicut in futura resurrectione unusquisque alterum cognoscet, et desiderata in altero alter per charitatem intelliget.